Unangam Tunuu > Alqutax̂ Maduukalix Inga? Alqutax̂ Malix Ingaya?

Wan waya Ivaan. Wan waya saaglax̂. Ivaan alqutan maduukalix?

Saaglax̂ qisaduukalix? Alix saaglax̂ txix̂duukalix ii? Alix saaglax̂ asix mikaduukalix ii? Alix saaglax̂ achxuduukalix ii?

Ivaan alqutan maduukalix? Saaglax̂ qisasix ii? Saagax̂ tmix̂six ii? Saaglax̂ asix mikalix? Saaglax̂ achxuduukalix? Saaglax̂ achxukux̂ inga.

 Wan waya Adaadax̂. Waya ayx̂aasim kulisx̂ii. Addadax̂ alqutax̂ maduukalix?

 Ayx̂aasim kulisx̂ii siĝiduukalix? Ayx̂aasim kulisx̂ii atxax̂duukalix? Ayx̂aasim kulisx̂ii chaduduukalix? Ayx̂aasim kulisx̂ii ayx̂aasduukalix?

 Adaadax̂ alqutax̂ malix? Ayx̂aasim kulisx̂ii siĝilix? Ayx̂aasim kulisx̂ii atxax̂six? Ayx̂aasim kulisx̂ii chadulix? Ayx̂aasim kulisx̂ii ayx̂aasalix ii? Ayx̂aasim kulisx̂ii ayx̂aasakux̂.

 Wan waya Taniilax̂. Wan way igax̂taasix̂. Taniilax̂ alqutax̂ maduukalix?

Igax̂taasix̂ aamilduukalix? Igax̂taasix̂ igax̂taasduukalix? Igax̂taasim ilan gaasalinax̂ aĝduukalix? Igax̂taasix̂ usiduukalix ii?

Taniilax̂ alqutax̂ malix? Igax̂taasix̂ amalilix ii? Igax̂taasix̂ igax̂taasalix? Igax̂taasim ilan gaasalinax̂ ax̂six ii? Igax̂taasix̂ usilix? Igax̂taasix̂ usikux̂.

Wan waya Anaadax̂. Wan waya iqyax̂. Anaadax̂ alqutax̂ maduukalix?

Iqyax̂ amluduukalix? Iqyax̂ alaĝum achidan aĝduukalix? Iqyax̂ yakaralĝiduukalix? Alix iqyax̂ sayuduukalix?

Anaadax̂ alqutax̂ malix? Iqyax̂ amlulix ii? Iqyax̂ alaĝum achidan ax̂six? Iqyax̂ yakaralĝilix? Iqyax̂ sayulix ii? Anaadax̂ iqyax̂ sayukux̂.

Wan waya asx̂ukidax̂. Waya udax̂. Asx̂ukidax̂ alqutax̂ maduukalix?

Udax̂ taxsaduukalix? Qax̂ aĝisduukalix ii? Qax̂ umsixduukalix? Qax̂ qaduukalix?

Asx̂ukidax̂ alqutax̂ malix? Qam qakaa taxsalix? Qam qakaa aĝiisalix? Qam qakaa umsixsix? Qam qakaa qalix ii? Asx̂ukidax̂ qam qakaa qakux̂.

Wan waya qalngaax̂. Waya kaxiilux̂. Qalngaax̂ alqutax̂ maduukalix?

Kaxiilux̂ ukux̂taduukalix? Kaxiiluĝim kugan ngan aygagduukalix? Kaxiilux̂ qaduukalix? Kaxiilux̂ chisiduukalix?

Qalngaax̂ alqutax̂ malix? Kaxiilux̂ ukux̂taasalix ii? Kaxiiluĝim kugan aygagduukalix? Kaxiilux̂ chisilix ii? Qalngaax̂ kaxiilux̂ qalix? Kaxiilux̂ chisikux̂.

Prepared by Olga Mensoff. University of Alaska. 1977.

Read by +Paul Merculief.

• This book has some words that are not used by Pribilof Islands Speakers.