Unangam Tunuu > Qanasanax̂? Qanaangasax̂?

SAAGARAX̂

Waya saagarax̂. Liidax̂ anuxtakatxin? Aang, saagaram ilaa anuxtakuqing.

Qanasanax̂ akix̂talix? Inkatii atuung pultinax̂ chitivirtaakax̂. Qanasanax̂ anuxtaltxin?

Atix̂ inkatix̂ anuxtakuqing. Qanasanax̂ akix̂talix? Atuung tuulirax̂ vaaspultiinax̂.

Yaasim nangan aĝada.

MULUKAX̂

Wan waya mulukax̂. Liidam ilaa anuxtakatxin? Aang, mulukax̂ anuxtakuqing.

Qanasanax̂ akix̂talix? Uluung pultiinax̂ sichin siintax̂ baanka. Qanaang baankax̂ anuxtaltxin?

Chaang baankax̂ anuxtakuqing. Qanasanax̂ akix̂talix? Qaankun tuulirax̂ uluung pultinax̂.

Yaasim nagan aĝada.

KUUFYAX̂

Wan waya kuufyax̂. Liidax̂ anuxtakatxin? Aang, liidax̂ anuxtakung.

Qanasanax̂ akix̂talix? Qaankun tuuliran inkatii. Qanasanax̂ anuxtaltxin?

Alax inkatix anuxtakuqing. Qanasanax̂ akix̂talix? Atuung tuulirax̂.

Yaasim nagan aĝada.

ALAGUX̂

Waya alugax̂. Liidax̂ anuxtakatxin? Aang, liidam ilaa anuxtakung.

Qanasanax̂ akix̂talix? Qaankun pultinan atuung siintax̂ inkatii. Qanasanax̂ anuxtaltxin?

Algimatix̂ inkatix̂ anuxtakuqing. Qanasanax̂ akix̂talix? Uluung tuulirax̂ aalax pultinax̂.

Yaasim nagan aĝada.

GAASALINAx̂

Waya gaasalinax̂. Liidax̂ anuxtakatxin? Aang, gaasalinam ilaa anuxtakuqing.

Qanasanax̂ akix̂talix? Gaalanaa tuuulirax̂ atuung pultinax̂. Qanasanax̂ anuxtaltxin?

Chaang gaalanax̂ anuxtakuqing. Qanasanax̂ akix̂talix? Qamchiing tuulirax̂.

Yaasim nagan aĝada.

MIILAx̂

Waya miilax̂. Liidax̂ anuxtakatxin? Aang, liidax̂ anuxtakung.

Qanasanax̂ akix̂talix? Qamchiing pultinax̂ sichiing siintax̂ ataqan. Liidax̂ anuxtakatxin?

Qaankun anuxtakuqing. Qanasanax̂ akix̂talix? Aalax tuulirax atuung pultinax̂ uluung siintax̂.

Yaasim nagan aĝada.

SUX̂ARAN

Waya sux̂aran. Liidax̂ anuxtakatxin? Aang, liidax̂ anuxtakung.

 Qanasanax̂ akix̂talix? Aalax tuulirax vaaspultinax̂ pakichaa. Qanasanax̂ anuxtaltxin?

 Aalax pakichax anuxtakuqing. Qanasanax̂ akix̂talix? Chaang tuulirax̂.

 Yaasim nagan aĝada.

TUMDAM AX̂SATINGIN

Waya tumdam ax̂satingin. Liidan anuxtakatxin? Aang, tumdam ax̂satingin anuxtakuqing.

 Qanasanax̂ akix̂talix? Qamchiing tuulirax̂ yaasii akix̂takux̂. Qanaang yaasix̂ anuxtaltxin?

 Ataqan yaasix̂ anuxtakuqing. Qanasanax̂ akix̂talix? Qamchiing tuulirax̂.

 Yaasim nagan aĝada.

CHAAMAX̂

Waya chaamax̂. Liidax̂ anuxtakatxin? Aang, liidax̂ anuxtakung.

 Qanasanax̂ akix̂talix? Qaankun tuuliran charaa akix̂takux̂. Qanaang anuxtaltxin?

 Sichin chaaran anuxtakuqing. Qanasanax̂ akix̂talix? Atix̂ aalax tuulirax̂.

 Yaasim nagan aĝada.

PLITAM CHADUU

Wayam plitam chaduu. Liidax̂ anuxtakatxin? Aang, liidax̂ anuxtakung.

 Qanasanax̂ akix̂talix? $63.75 ataqan chadum puchuunkaa. Qanasanax̂ anuxtaltxin?

Aalax puchuunkax anuxtakuqing. Qanasanax̂ akix̂talix? Sisax̂ algimatix̂ uluung tuulirax̂ vaaspultinax̂.

Yaasim chidaĝan aĝada. Usungin qanasanax̂ akix̂talix? Angunasaadukuux̂!

Prepared by Olga Mensoff. University of Alaska. 1977.

Read by +Paul Merculief.

• This book has some words that are not used by Pribilof Islands Speakers.