Lakaayax̂ mikakux̂.
Lakaayax̂ alaĝum achidan mikakux̂.
Lakaayax̂ alaĝum achidan, chugum kugan mikakux̂.
Lakaayax̂ alaĝum achidan suunaadakux̂.
Lakaayalgux̂ qayam ilidaan qaxsakux̂.
Lakaayam bruukim qaxchikluu chux̂taa qayam agalan aĝakux̂.
Lakaayaadax̂ achigaaluĝim ulagan adan uyakux̂.
Lakaayaadax̂ lakaayam angunaa utxikux̂, lakaayalgum tugakuu.
Lakaayax̂ laqasitxin asix mikakux̂.
Lakaayan alaĝum achidan niqam anaa sakaagasix aqadaamchin udam achan qanaaĝikun.
Lakaayax̂ udam naga qanaaĝikum atxidatxaginax̂.
Lakaayan miichix̂ mikaasakun.
Lakaayan ataqan miichix̂talix miichikun.
Lakaayan miichim qaxchikluu sux̂talix miichikun.
Lakaayam miichii akux̂.
Lakaayam miichii angunakux̂.
Lakaayam miichii chiqitkux̂ txin itikux̂.
Lakaayax̂ miichix̂ chx̂uux̂six aamlikux̂.
Lakaaayan kiiĝuusix̂ angalix kangaqalikun, itxaygin ululix tataam chiilunan.
Lakaayax̂ yaarusax̂ agukux̂.
Lakaayax̂ satxax̂ agukux̂.
Lakaayax̂ nuĝim kugan alix qanaaĝikux̂.
Lakaaayax̂ ludaan asix qawanaaĝikux̂.
Lakaayax̂ kingiin asix chitaayakux̂.
Lakaayam kingii chitaayakux̂.
Prepared by Olga Mensoff and Moses Dirks. University of Alaska. 1977.
Read by +Paul Merculief.