Tanam Awaa

Unangam Tunuu

Unangam Tunuu is a set of tools and resources for Unangax̂ speakers and learners.

Laavkam Adan Uyakux̂

Fumaa laavkam adan uyakux̂. Laavkax̂ ux̂taatudakux̂ awa. Anaĝiidan tayaatudakux̂.

Fumaa alqutax̂ tayaaĝan amamalix? Kanfiitkax̂ tayaaĝan ii? Alix taangam idigaa tayaaĝan ii? Fumaa asix aqada. Laavkax̂ ux̂tada.

Fumaa alqutax̂ tayalix? Baluunan tayakux̂. Fumaa baluunan tayakux̂. Baluunan ix̂amnachx̂iltxin ii?

Fumaa alqutan tayalix? Igax̂taasix̂ tayakux̂. Fumaa igax̂taasix̂ tayakux̂. Igax̂taasix̂ mataltxin ii?

Fumaa alqutax̂ tayalix? Tumdax̂ tayakux̂. Fumaa mikaasim tumdakix tayakux̂. Mikaasim tumdaadakix anuxtaltxin?

Fumaa alqutax̂ tayalix? Kanfiitkax̂ tayakux̂. Fumaa kanfiitkax̂ tayakux̂. Kanfiitkax̂ tayaltxin ii?

Fumaa alqutax̂ tayalix? Yaablukan tayakux̂. Fumaa yaablukan tayakux̂. Yaablukan qaatudaltxin?

Fumaa alqutax̂ tayalix? Praanikan tayakux̂. Fumaa praanikan tayakux̂. Praanikan anuxtaltxin?

Fumaa alqutax̂ tayalix? Fruuxtam taangaa tayakux̂. Fumaa fruuxtam taangaa tayakux̂. Fruuxtam taangaa tayaltxin ii?

Fumaa alqutax̂ tayalix? Chigux̂ tayakux̂. Fumaa chigux̂ tayakux̂. Chigun mataltxin ii?

Fumaa alqutax̂ tayalix? Rubusuunkax̂ tayakux̂. Fumaa rubusuunkax̂ tayakux̂. Ingan rubusuunkax̂ ix̂amnachx̂iltxin ii?

Fumaa alqutax̂ tayalix? Bruukix̂ tayakux̂. Fumaa bruukix̂ tayakux̂. Ingan bruukix̂ ix̂amnachx̂iltxin ii?

Fumaa alqutax̂ tayalix? Chuulin tayakux̂. Fumaa chuulin tayakux̂. Chuulkin mataltxin ii?

Fumaa alqutax̂ tayalix? Uliigix tayakux̂. Fumaa uliigix tayakux̂. Uliigix chux̂taltxin ii?

Fumaa alqutax̂ tayalix? Saligux̂ tayakux̂. Fumaa saligux̂. Ingan saligux̂ ix̂amnachx̂iltxin ii? Ingan saligux̂ anuxtaltxin ii?

Fumaa alqutax̂ tayalix? Paltux̂ tayakux̂. Fumaa paltux̂ tayakux̂. Paltux̂ anuxtaltxin ii?

Fumaa alqutax̂ tayalix? Ugulun tayakux̂. Ugulun tayakux̂. Fumaa ugulun tayakux̂. Ugulun mataltxin ii?

Fumaa alqutax̂ tayalix? Qam ux̂tangin tayakux̂. Fumaa qam ux̂tangin tayakux̂. Qam ux̂tangin tayaltxin ii?

Fumaa alqutax̂ tayalix? Aĝadam uchakakix tayakux̂. Fumaa aĝadam uchakakix tayakux̂. Uchakakix ukux̂takatxin ii?

Fumaa, atxida! Atasix tayaax̂nax̂txin! Alix waya? Fumaa qichitim angunaa matalix ii?

Kuguu! Fumaa qichitix̂ matalakax̂! Fumaa mikakux̂! Qagaating, Fumaa!

Prepared by Olga Mensoff. University of Alaska. 1977.

Read by +Paul Merculief.