Qilax̂ malgakux̂. Waya aĝadax̂. Ax̂chaa! Ax̂chaa!
Qilax̂ malgakux̂. Sigaquudaan x̂ulada. Qilam sigiquudaan x̂ulada.
Qilax̂ malgakx̂. Kigusitxin chuutkada. Qilam kigusitxin chuutkada.
Qilax̂ malgakux̂. Plitax̂ anida. Qilam plitax̂ aniix̂txin.
Qilax̂ malgakux̂. Qaqaan qada. Qilam qaqaan qada.
Qilax̂ malgakux̂. Txin anaadaan sismida. Qilam anaadaan sismiix̂txin.
Qilax̂ malgakux̂. Txin adadaan sismida. Qilam adadaan sismiix̂txin.
Qilax̂ malgakux̂. Agiitudatxin asix mikada. Qilam agiitudatxin asix mikaax̂txin.
Qam agalaa malgakux̂. Txin anaadaan ix̂taqx̂ikux̂. Anaadaan txin ix̂takux̂.
Qam agalaa malgakux̂. Qaqaan qada. Qam agalaan qaqaan qaax̂txin.
Qam agalaa malgakux̂. Qanaaĝida. Qam agalaan qanaaĝiix̂txin.
Qam agalaa malgakux̂. Qax̂ aamlida. Qam agalaan qax̂ aamliix̂txin.
Qam agalaa malgakux̂. Qax̂ ulamin adan uyaasada. Qam agalaan qax̂ ulamin adan uyaasaax̂txin.
Angalkinga malgakux̂. Anaadaan ix̂taqx̂ikux̂. Anaadaan txin ix̂takux̂.
Angalkinga malgakux̂. Qaqaan qada. Angalkingaan qaqaan qaax̂txin.
Angalkinga malgakux̂. Saaglan qachx̂ida. Angalkingaan saaglan qachx̂iix̂txin.
Angalkinga malgakux̂. Sigiquudaan x̂ulada. Angalkingaan sigiquudan x̂ulaax̂txin.
Angalkinga malgakux̂. Mikaax̂tan. Angalkingaan mikadaax̂tan.
Amgix̂ malgakux̂. Quyuda. Amgaan quyuux̂txin.
Amgix̂ malgakux̂. Qixnan ux̂achaa. Amgaan qixnax̂ uxiix̂txin.
Amgix̂ malgakux̂. Tunux̂taqadalix atxida. Amgaan tunux̂taaĝanax̂txin.
Amgix̂ malgakux̂. Saĝada. Amgaan saĝada.
Prepared by Olga Mensoff. University of Alaska. 1977.
Read by Aquilina D. Lestenkof.