Unangam Tunuu > Alqutax̂ Umtaltxin? 2

Chix̂uudngin

Alqutax̂ umtalting? Chix̂uudngin. Chix̂uudngin umtakuqing.

Chix̂uudngin kum umtakuqing. Chix̂uudngin ukux̂takuqing. Chix̂uudngin tutakalkaqing.

Chix̂uudngin uludangin ukux̂takuqing. Chix̂uudngin chumnugingin ukux̂takuqing. Chix̂uudngin chidaĝaayungin ukux̂takuqing.

Qanaangasix̂ chix̂uudngin ukux̂takuqing? Chix̂uudngin amnaguu ukux̂takuqing. Atix̂ chix̂uudngin ukux̂takuqing.

Chix̂uudngin umtada. Chix̂uudngin ukux̂tada. Atix̂ chix̂uudngin malgakux̂. Ix̂amnaadakun.

Waĝix̂

Alqutax̂ umtalting ii? Waĝix̂. Waĝix̂ umtakuqing.

Qanaya qignax̂? Ukux̂takatxin ii? Waĝix̂ umtakuqing.

Qignax̂. Usxin sinigan alix ii? Kuguu, usxin sinigan alakax̂.

Qanaya? Ulam ilan alix ii? Kuguu, ulam naagan alakax̂.

Kaxiiluĝim ilan akux̂. Qignax̂ kaxiiluĝim naagan akux̂. Adaadang qignax̂ agux̂takux̂. Adaadan kaxiilux̂ ixtikux̂.

Kuufyax̂

Alqutax̂ umtalting? Kuufyax̂. Kuufyax̂ umtakuqing.

Kuufyax̂ umtakuqing. Ilga ix̂amnakux̂. Qanaligan alix?

Ulam naagan akux̂. Kamiinan kugan akux̂. Kuufyax̂ ulam kamiinangan kugan akux̂.

Kuufyam ilga ix̂amnakux̂.   Liidax̂ kum inukating ii? Aang, liidax̂ inuda.

Ayayaa, chinglikux̂. Kuufyam ilga ix̂amnakux̂. Kuufyax̂ chinglikux̂.

Ulux̂

Alqutax̂ umtalting? Ulux̂. Ulux̂ umtakuqing.

Itx̂aygix̂ umtakuqing. Unalgakux̂. Kamiinanm kugan txin unakux̂.

Adaadang tumdaax̂tuku. Itx̂aygix̂ tumdaax̂tukux̂. Itx̂aygim sadikluu tumdaax̂tukux̂.

Anaadang itx̂aygix̂ unakux̂. Itx̂aygim sadiklu unakux̂. Itx̂aygim sadikluu unakux̂. Ilga ix̂amnakux̂.

Qaduukung. Itx̂aygim sadikluu qaangan. Itx̂aygix̂ qaatudkuqing.

Chngax̂

Alqutax̂ umtalting? Chngax̂. Changax̂ umtakuqing.

Paarkang chix̂takux̂. Chngaa chix̂takux̂. Chngam chix̂ta umtakuqing.

Saaqudĝix̂. Chix̂tax̂ malgakux̂. Chix̂takuqing.

Anaadang alqutax̂ iisadukalix? Chix̂takuqing. Paarkang chix̂takux̂.

Chngam chix̂ta umtakuqing. Ulang adan yuaangan. Alqutax̂ anaadang iisadukalix?

Kiikax̂

Alqutax̂ umtalting? Kiikax̂. Kiikax̂ umtakuqing.

Anaadang chaayusax̂sikux̂. Kiikax̂ unakux̂. Kiikam ilga umtakuqing.

Liidax̂ kum qakating ii? Kum kiikax̂ qalting ii? Kuguu. Wayulux̂.

Aniqduĝaadam kiikaa akux̂. Adaadam ngaan akux̂. Adaadam aniqduĝaadagan ngaan akux̂.

Kiikax̂ umtalga ix̂amnakux̂. Adaadang ix̂amnachx̂idukuu. Liidax̂ qaatukung.

Gaasaliinax̂

Alqutax̂ umtalting? Gaasaliinax̂. Gaasaliinax̂ umtakuqing.

Gaasaliinax̂ baankam nagan akux̂. Qanaya aman baankax̂.   Tanam kugan akux̂.

Kiin ikuligan ax̂sx̂an? Kiin gaaasaliinax̂ tanam kugan ax̂six? Adaadang ikaligan aĝikuu.

Adaadang awakux̂. Qaniigim masinaa awasakux̂. Adaadang gaasaliinax̂ alakux̂.

Gaasaliinax̂ umtasnalakax̂. Umtakung. Umtaatudalkaĝing.

Qanikingax̂

Alqutax̂ umtalting? Qanikingax̂ umtakuqing. Qanikingax̂ umtakuqing.

Chix̂uudngin umtakuqing. Chiqim chix̂ta umtakuqing. Qiigax̂ umtakuqing.

Qanikingax̂ malgakux̂. Umtakung. Ting ugatkuqing.

Qanikingax̂ ix̂amnakux̂. Uĝnaasakux̂. Aĝadax̂ malgakux̂.

Slam ilga umtada! Qanikingax̂ malgakux̂. Umtaĝa qanikingax̂ liidakux̂.

Prepared by Olga Mensoff, Iliodor Philemonof, Tupou L. Pulu, Mary L. Pope. Alaska State-Operated School System. 1975.

Read by Aquilina D. Lestenkof.