Unangam Tunuu > Alqutax̂ Tutaltxin? 2

Igax̂tadax̂

Tutuda! Alqutax̂ tutaltxin? Igax̂tadax̂ tutakuqing.

Aqalix ii? Aang! Kiin kugan akan? Aqatal kang.

Aqada! Amaanuuduukakun. Igax̂tadax̂ kadmax̂sxaduukux̂.

Angayax̂tada! Igax̂tadax̂ tagaqalikux̂. Kiin kugan akan? Kiiin waaĝalix?

Ukux̂takung! Achigdanax̂ akux̂. Achigdanax̂ waaĝakux̂. Achigdnanax̂ tataam waaĝax̂takux̂.

Qilax̂

Tutada! Alqutax̂ tutaltxin? Achigaaluĝim kuluklaa tutakuqing.

Angayax̂tada! Agalkukun! Achigax̂ txin ikitikux̂. Aamnuuĝin matakun.

Idgix̂tada! Awaaya achigdanax̂. Tuman ix̂takux̂.

Aqakun! Axchigalix aqakun. Amaaĝaaĝan aĝikun. Txin axchignida!

Waaĝakun! Agal kul kaĝin. Achigdanax̂ txin ugatakux̂. Tuman ugatakun.

Ilaaĝux̂

Tutada! Alqutax̂ tutaltxin? Chx̂uuĝim masinaa tutakuqing.

Ikuya anaadang. Anaadang alqutax̂ malix? Angunax̂ awaasakux̂. Chx̂uuqalin chx̂uuĝikux̂.

Ilaagux̂. Anaadan ilaaĝduukuqing. Chx̂uuqalin chx̂uuĝikux̂. Anaadan chx̂uuĝin ngaan ilaaĝuusaduukuqing.

Anaadan! Waya ting! Txin ilaaĝduukuqing! Alqutax̂ maaqing?

Anaadang txin ugatakux̂. Ting ugatkuqing. Anaadang ilaaĝuuĝtakuqing. Anaadang chx̂uuqalin ngaan ilaaĝuusaax̂takuqing.

Awax̂

Tutada! Alqutax̂ tutaltxin? Traakturax̂ tutakuqing.

Awax̂. Adaadang awakux̂. Angunax̂ awaasakux̂. Yaagan sayukux̂.

Ilaaĝux̂. Adaadang ilaaĝduukuqing. Yaagan sayukux̂. Yaagan sayulgangin ngaan ilaaĝuusaduukuqing.

Adaadang! Waligan akuqing. Txin ilaaĝduukuqing. Alqutax̂ maaqing?

Adaadang ilaaĝuux̂takuqing. Yaagan sayulgangin ngaan ilaaĝuusaax̂takuqing. Adaadan txin ugatasaadaax̂tukux̂. Ting ugatasaadaax̂takuqing.

Saquchaadan

Tutada! Alqutax̂ tutaltxin? Saquchaadax̂ tununaa tutakuqing.

Qanikingax̂! Qanikingax̂ malgakux̂! Saquchaadax̂ tutakuqing. Saquchaadax̂ tununaa tutakuqing.

Alaasax̂sida! Saquchaadax̂ tutada. Saquchaadax̂ uyaqikux̂. Saquchaadax̂ agitadan ix̂takux̂.

Tutada! Alqutax̂ tutaltxin? Aalax saquchaadax̂ tutakuqing. Aalax saquchaadax̂ tununaa tutakuqing.

Qanikingax̂ waaya! Qanikingax̂ malganaa aqatkuqing. Saquchaadan tutakuqing. Aman tununangin tutakuqing.

Bazax̂

Tutada! Alqutax̂ tutaltxin? Bazax̂.

Ulngix̂. Ulngix̂ tutakuqing. Ulngix̂ ukux̂talakaqing.

Ukux̂takatxin ii? Kuguu, ukux̂talakaĝin. Ting tutakung.

Tutuda! Ulngix̂ tutaltxin ii? Ting kuguu. Ulngix̂ tutalakaqing.

Ayayaa! Aman ulngix̂ ukukuqing. Chuyung kugan akux̂. Ulngix̂ ting kigikux̂.

Usxin

Tutada! Alqutax̂ tutaltxin? Usxim awaaĝnaa tutakuqing.

Tutada! Alqutax̂ tutaltxin? Igaĝiisix̂ tutakuqing. Igaĝiisix̂ usxix̂ isikux̂.

Aqada! Usxin nux̂taax̂tan. Usxin ukux̂taax̂tan. Igaĝiisix̂ ukux̂taax̂tan.

Kuguu! Adaadang kuguu istakux̂. Usxin adan uyaakalakaĝin. Igaĝiisix̂ ukux̂taakalakaĝin.

Tutada! Igaĝiisix̂ tutakun. Igaĝiisix̂ ukux̂talkaĝin. Usxin ukux̂talkaĝin. Ulaĝduukakun

Qanigim Masinaa

Tutada! Alqutax̂ tutaltxin? Qignam masinaa tutakuqing.

Qaniigix̂! Qaniixsix ii? Amgaan qaniignax̂ ii? Qaniix iĝamnachx̂idakuqing.

Ukuuskax̂! Ukuuskax̂ aĝachaa. Tanax̂ ukux̂tada. Qumalix ii?

Aang! Tanax̂ qumakux̂. Qaniigix̂ waaĝax̂takux̂. Itaax̂tan.

Qaniigim masinaa. Qaniigim masinaa ayx̂asaax̂tan. Qaniigim tagadaa kugan ayx̂asaax̂tan. Qaniigim masinaa ayx̂aala unganaasnadakux̂.

Anisnaadax̂

Tutada! Alqutax̂ tutaltxin? Anisnaadax̂ tutakuqing.

Qanaya? Qanaya anisnaadax̂? Ukux̂takatxin ii? Qanaliigan kum alix?

Ukuda! Chix̂uudngix̂ sinix ukuda. Ingaya anisnaadax̂. Chix̂uudngix̂ nagan akux̂.

Chix̂uudngix̂ uluudagan nagan alix ii? Kuguu chix̂uudngim uluudagan nagan alakax̂. Chix̂uudngim chumnugiigan nagan alix ii? Kuguu, chix̂uudngim chumnugiigan nagan alakax̂.

Kamaya anisnaadax̂? Chix̂uudngim qumagan nagan akux̂. Chix̂uudngim qumagan nagaa ukuda. Ingaya anisnaadax̂.

Tumdamgix̂

Tutada! Alqutax̂ tutaltxin? Tumdax̂ tutakuqing.

Adaadang! Adaadang tumdamgikux̂. Adaadang alqutax̂ tumdamixtalix? Adaadang saquchaadan tumdamixtalix ii?

Kuguu! Adaadang saquchaadan tumdamixtalakax̂. Adaadang alqutax̂ tumdalix? Adaadan itx̂ayax̂ tumdalix ii?

Kuguu! Adaadang itx̂ayax̂ tumdalakax̂. Adaadang alqutax̂ tumdamixtalix? Anaĝulux̂.

Adaadang tumdaan atx̂ax̂yakux̂. Saquchaadan tumdamixtalakax̂. Itx̂ayax̂ tumdamixtalakax̂. Tumdaan agach atx̂ax̂yakux̂.

Tututax̂

Tutuda! Alqutax̂ tutaltxin? Tutuutax̂ tutakuqing.

Tutuutax̂ kum ukux̂taltxin ii? Kuguu, tutuutax̂ ukux̂taakalakaqing. Amgix̂ malgakux̂. Qaxchikaayux̂ malgakux̂.

Qanaya tutuutax̂? Tutuutax̂ amaatxalakan ii? Tutuutax̂ amaatxan alix ii? Tutuda!

Tutuutax̂ ukux̂taltxin ii? Dakix ukux̂takung. Tutuutam dakix ukux̂takuqing. Dakix qaxchikaayum ilan adigakux̂.

Tutuutax̂ amaatxalakax̂. Tutuutax̂ tunukux̂. Tununaa tutada. Wuu! Wuu!

Qignam Masinaa

Tutuda! Alqutax̂ tutaltxin? Kuuskax̂ tutakuqing.

Prrr! Prr! Kuuskax̂ alakax̂. Qignam masinaa ama. Qignam masinaa agach tutakux̂txin.

Saĝakux̂. Kuuskax̂ saĝakux̂. Txin sakaaĝtakux̂.

Prrr! Prrr! Amaya qignam masinaa. Ukuda! Qignan atikun.

Txin asx̂amaagnanuulux ix̂takux̂txin. Kuuskax̂ saĝakux̂. Qignan atikun. Prrr! Prrr!

Prepared by Olga Mensoff, Iliodor Philemonof, Tupou L. Pulu, Mary L. Pope. Alaska State-Operated School System. 1975.

Read by Aquilina D. Lestenkof