Alqulix ulmaltxin? Aaĝan uĝnaasax̂ malgalix.
Alqulix txin igaltxin? Qinganax̂ malgalix.
Alqulix qingadaltxin? Maadux̂ malgalix.
Alqulix chinglisiltxin? Aangan iklax̂ quxsulix.
Alqulix kayuĝiqdaltxin? Anĝaĝix̂ ting sadgasix.
Alqulix saagaltxin? Daking txidix chachidukalakan.
Alqulix qaatultxin? Axsix gumakuqing.
Alqulix asulĝilix ingamkutxin? Piirichix̂ umsixsix.
Alqulix txin imlaxsix ingamkux̂txin? Algaadan matalix.
Alqulix qidaltxin? Ting amqinilix.
Alqulix ixichx̂iltxin? Uskaanax̂ akuqingaan malix.
Alqulix idgix̂taltxin? Angayax̂talix gumakuqing.
Alqulix ungachiltxin? Anqax̂talkaqingaan malix.
Alqulix qaxsaadaltxin? Kdax̂ malgalix.
Alqulix aalux̂taadaltxin? Aaĝan aalyuuknaltxin waya.
Alqulix aygaxsitxin? Adaadang tin qisngichx̂iduukalakan.
Alqulix alultxin? Paarkang tatalix.
Alqulix anqax̂taltxin? Tunux̂takuqingaan malix.
Alqulix chaqugiltxin? Qalix wamakuqing.
Alqulix wachixsitxin? Chiĝanam ilan isix wamakuqing.
Alqulix agilgilix ingamkux̂txin? TV chasavyalix wamakuqing.
Alqulix kitamgiltxin? Satmalix̂ aĝaduuklakan.
Alqulix sigaquudaan x̂ulatxin? Kikaxnam iilan mikalix wamakuqing.
Alqulix qungasitxin? Ting ayx̂asangan wamakuqing.
Alqulix kiichxiltxin? Uligingaan umnax̂ alalix.
Alqulix unaltxin? Aaĝan uviidax̂ nulgalix.
Alqulix txin aĝutaltxin? Saxtalix wamakuqing.
Alqulix qanaax̂sitxin? Waligan aanux̂ magalix.
Alqulix tunulix ingamkux̂txin? Ulngix̂ akuqingaan malix.
Alqulix kigmixsitxin? Ulngix̂ akuqingaan malix.
Prepared by Olga Mensoff. University of Alaska. 1977.
Read by +Paul Merculief.
- This book has some words that are not used by Pribilof Islands Speakers.